Bruno Morelli

CIX gallery, April 8 - 17, 1998

An o ikonografikane procesia ki plesutni vizuelnikani grafia, o prezentiribaskoro čhani mangela pobuter te del anglipe e rotame liniake a na e dromarde liniake kolaja šaj te thanakeren pe ko jekh e forme bizo hangia, sinusoidnikane, dalgame an o sigjaribaskoro miškibe ko cidibe hapa sar thaj o sajialo anglal džanutnipe e ritameskoro, panda jekh fare nišani kerela o dujdimenzionalipe an o pervazi koleste o Rom si adalatime te dživdinel hulindo thaj ikljovindo taro plesutno sumnal kote so definirinela pe kova si, an aver, an e Gadžengoro sumnal.

Korektikane akava dihotomnikano karakteri evidentnikano si thaj an o dujčhibalipe, si adava aver dualistikano elementi kova so ulavela e rome sar phirutno thaj sar manuš koleste isi duj persone.

Akathe kamla pe te da amen godi ko Kant thaj ki leskiri ?Kritika ko užo gogjalipe? kana dela pe akcenti ko adava dujengoro hošame individuakoro identiteti, jekh andruno thaj jekh avruno, a maškar lende manušikano ruhi an o sakodivutno konflikti kova so čhivela pe maškar te ovel popaše dži o čačipe pikarindo pe ko ?kritikano gogjalipe?. Adaleske o avgo ?sintetikano jekhipe? ja pale o intelekteskoro thaj ovibaskoro jekhipe, nane dendo, numa resela pe pikaribasa taro konflikti ko divergente taro andral thaj avrial. Thajako o majtharo Kant-eskoro paldžajutno, Hegel konfrontirinela pe leskere vakeribanca ikerindo i idea baš o umdakoro thaj ovibaskoro identiteti sar produkti ko butrigalipe thaj ko kreativnikane efektia, baš i romani estetika. Sar me so umdinava, pale, pobuter pašljola e Kant-eskiri teorija thajako an but si nakhli taro korkori Hegel an i modernikani filozofia.

Adava so si interesnikano, si o historikano avibe popaše dži adala storie, resarinasa te den pe lenge faktia thaj te haljoven pe o faktoria kola so terminirinena i estetikani fenomenologia ki romani kultura an o arteskoro keribe. Adava rodela baš durudžime komparativnikani historikani-kulturnikani thaj kontestualnikani analiza an kolate o romano thanaribe nane thaj hari madžurikano numa mujal adava si zoralo čhindo hor andre.

Haljovela pe, kerela pe lafi baš o studie kola so kamla pe ponadari te keren pe panda horeder, numa pale, kamla pe sine, taro sa akala intuitivnikane dire, te zuraren pe bare elementia sar so si o fakti kaj e romane estetikakoro hoši thaj ruheskere produktia isi len dži ko thav kerde historikane reference kolende šaj te akhara amen te šaj te ava dži sajialeder drabaribe ko artikane thaj kulturnikane saikerina.

I romani estetika na honakerela pe, numa dživdinela anglo sa taro vjavahari e averea: sugestia, stimuli, aravibe thaj ko agor upral o interpretiribe, kova so thaj agjaar si kreaciakoro prezenti, numa nikana taro kulturnikano nakhibe taro jekh ko aver, o romano arti nane barekrleskoro čhingarutno ko estetikano adalati ko sumnal an koleste vov si manuš avrialdan. Korektikane an adava konteksti o rom kerela distinkcia maškar leskiri andruni umda, ja pale interpretacia, thaj o ovibe ja šukareder dživdipaskoro ovibe, avrialipe thaj o ande dendipa.

Bizo avrialutno sasoitnipe, akana akjhardo sar phuv-humus kolatar kamla pe te lel pe, i romani kultura nikana nane sine te ovel ja pale nane sine te pendžarel pe sar asavki, ja pale ka ovel sine ko sahnipe asimilirimi. Te lipara amen ko flamengo thaj e Rejnard-eskiri muzika, adaleske kobor si ola hemime e ?avere kulturenca? kolen so i romani estetika džanela sine te kerjakerel len leindo len sar ple dži adaja digra so anela dži kriza nesave etnomuzikologen kola so avdive panda si ko duj gogja kaske te den o proiriteti sar sahibi upral o flamengo, ja pale si ja pale nane tari arapikani, indikani ja pale romani kusti.

Jekh buti si durustikani, a adava si kaj i kusti taro akava ulavdo artikano sikavibe, akana si e Romeskoro, thaj šukrikerindo leske ovela esavko flamengo savo so si amenge sarinenge pendžardo, ja pale ko sa lejbe than ko ?uomo esteticus? an jekh arti an koleste ko sahnipe klidarena pe o senzibilia; an sakova kotor isi simboli, dokumenti baš o jekh dživdipaskoro ovibe.